أندری بۆ زأجنس  تو٘ندرٖکۍ  حُبابن
ھۓ وؠسۍ  تس نۓ عار میون چُھئے
ژو٘ٹنم    جگر  أمۍ   لولٕکۍ  شبابن
ھۓ وؠسۍ  تس نۓ عار میون چُھئے

کیاہ   لیو٘کھ  اَزلن  لانِہ  نؠن  کتابن
می٘ون   ہیوٗ   کس  گدریومُت  چُھۓ
فان   کۆرنس   بۆ  عشقٕنۍ  خطابن
ھۓ وؠسۍ  تس نۓ عار میون چُھئے

زلیخایِہ  یوسف  ڈیونٹھ منز خابن
حُسنَن           کٔرنۓ            دیوانئے
ہفتخانٕہ   أندرَۓ   می٘ولُس    جوابن
ھۓ وؠسۍ  تس نۓ عار میون چُھئے

دادِ   عشقنہِ   بۆ   گیَس    بے   تابن
نار     مے    گو٘نڈنم     مۆئے    مۆئے
بیتاب      نیٖنس      ییٖرٖہ      سآلابن
ھۓ وؠسۍ  تس نۓ عار میون چُھئے

نشہِ   مے   کھولنم    عشقہٖ   شرابن
تیوٗلُم      هر    شیِہ    مۆئے    مۆئے
خمار    مؠہ    کھولنم    لوٗبے   لبابَن
ھۓ وؠسۍ  تس نۓ عار میون چُھئے

کھٔٹِتھ  خال  تھو٘و  زُلفکٖۍ  دو٘لابن
راونہٖ      رووُس      روزٖمنہ     بۆئے
ہیچ   در   ہیچ   کو٘رُس   بند  قلابن
ھۓ وؠسۍ  تس نۓ عار میون چُھئے

ماہِ   رۆخسار   وُچھمس  مؠہ  تابن
آفتابہ     کھوتٕہ      نوٗرانہٖ     چُھئے
نوٗرٕہ  پاد  ؤچھمس من٘ز دو٘ن رِکابن
ھۓ وؠسۍ  تس نۓ عار میون چُھئے

مُشکِ   معطر  ترٚوو   عشقہٖ  گۆلابن
توہہِ  ما  کُنِہ  شایِہ ڈیوٹھوَن سۄئے
معشوق میون سیتۍ پنٕہ نؠن نوابن
ھۓ وؠسۍ  تس نۓ عار میون چُھئے

ھالہِ    گندان   مے    بالہِ   اضطرابن
رحیمس  سُۓ چھۆکھ للہٍ وُن چُھئے
تنٕہ   گوم   طوفان   کٔرنس   خرابن
ھۓ وؠسۍ  تس نۓ عار میون چُھئے